नवलपुरमा फेरि अर्को बलात्कारको घटना , आज फेरि १६ बर्षीया किशोरी बलात्कृत

नवलपुर । पूर्वी नवलपरासी गौडाकोटमा  दाजुले आफ्नै ६ बर्षिय बहिनीलाई जबरजस्ती करणी गरेको घटना सेलाउन नपाउँदै फेरि अर्को कावासोति नगरपालिका कि १६ बर्षिय  बालिका बलात्कृत भएकी छिन् । विहीबार राति ८ बजेतिर दिदीको घर सुत्न गएको बेला २६ बर्षीय मनबहादुर मुसहरले बलात्कार गरेका हुन् ।

नवलपुर प्रहरीका अनुसार दिदीको घर सुत्न जाँदै गर्दा बीच बाटोमा नै मुसहरले ति बालिकालाई जवरजस्ती तानेर लगेर बलात्कार गरेका थिए ।  प्रहरीले बालिकालाई बलात्कार गर्ने मुसहर र उनका सहयोगी विष्णु विकलाई नियन्त्रणमा लिएर घटनाको अनुसन्धान थालेको छ ।

उनीहरुले बालिकालाई बाटोदेखि केही पर खेतमा लगेर बलात्कार गरेको नवलपुर प्रहरीले जनाएको छ । बालिकालाई स्वास्थ्य परीक्षणका लागि अस्पताल पठाएको नवलपुर प्रहरीले जनाएको छ ।