पाँचथरको तमोर खोलामा ५ वर्षको सफल यात्रा र भविष्यका सम्भावनाहरू

सुरेन्द्र खरेल, पाँचथर र तेर्हथुम जिल्लाको सिमानामा बग्ने तमोर (कोशी) खोलामा राप्टीङ सेवा संचालनको ५ वर्ष सफलतापूर्वक पुरा भएको छ। स्टन र्याप्टिङ ट्राभल एण्ड टुर कम्पनी द्वारा सञ्चालन गरिएको यस राप्टीङ सेवाले आन्तरिक र बाह्य पर्यटकलाई लक्षित गर्दै काम गर्दै आएको हो।

सुरुमा यो राप्टीङ सेवा निकै सफल भयो, तर कोरोना महामारी पछिको समयमा यो सेवा सञ्चालनमा केही चुनौतीहरू आइपरे। अहिले भने पुनः सेवा विस्तार र पुनः सञ्चालनमा जानका लागि प्रयासहरू भइरहेको छ। यो क्षेत्र पाचथर, तेर्हथुम, धन्कुटा, धरान, झापा, ईलाम जस्ता आसपासका जिल्लाका राप्टीङ प्रेमीहरूको लागि आकर्षक गन्तव्य बन्न सक्छ।

माझिटार: राप्टीङको मुख्य गन्तव्य

पाँचथरको फिदिम बजारबाट ११ किलोमिटरको दुरीमा स्थित माझिटार राप्टीङको प्रमुख गन्तव्य हो। यहाँ पर्यटकहरूले रमाइलो र साहसिक राप्टीङ अनुभव गर्न सक्दछन्। पर्यटकीय दृष्टिकोणले यस क्षेत्रको ठूलो सम्भावना रहेको छ र यदि यसको प्रचारप्रसार राम्रोसँग गर्न सकियो भने आन्तरिक र बाह्य पर्यटकहरूको आगमनमा उल्लेखनीय वृद्धि हुन सक्छ।

सुविधा र यातायातको पहुँच

पाँचथरको पूर्वी सिमाना चिवा भनज्याङबाट करिब १४० मिटरको दुरीमा रहेको यस क्षेत्र मध्यपहाडी हाईवेसँग जोडिएको छ। यहाँको यातायात प्रणाली राम्रो छ र भविष्यमा सिकिम नाकाको खोलाइ भएमा यस क्षेत्रले सिकिमका पर्यटकहरूलाई पनि आकर्षित गर्न सक्ने सम्भावना छ।

पछिल्लो समयमा, यहाँका पर्यटकहरूको लागि आरामदायक होटलहरूको उपलब्धता पनि वृद्धि भएको छ, जस्तै तमोर रिसोर्ट जस्ता सुविधायुक्त होटलहरू सञ्चालनमा आएका छन्। यी होटलहरूले राप्टीङ गर्न आउने पर्यटकहरूलाई उत्तम बसोबास र खानपान सेवा प्रदान गर्छ। तमोर रिसोर्टका संचालक बारुण तुम्बापोले यस क्षेत्रमा पर्यटकहरूको लागि उत्कृष्ट सुविधाहरू उपलब्ध भएको जानकारी दिएका छन्। 

भविष्यको सम्भावना

तमोर कोशी खोलामा राप्टीङ मात्र होइन, यहाँको प्राकृतिक दृश्य र साहसिक गतिविधिहरू पनि पर्यटकहरूलाई आकर्षित गर्न सक्छ। यस क्षेत्रको प्रचारप्रसार र विकासले आन्तरिक र बाह्य पर्यटकहरूको आगमनमा वृद्धि ल्याउन मद्दत पुर्याउन सक्छ।